尋日同老公,阿東,emma,肥言,佢女朋友去石澳游水,我地揸車去.一去到迴旋處入石澳條路就已經要排隊,超多人,我地入去已經係3點,我地慢駛入到去,但因為冇哂位迫車,所以要轉番出去.我地來回幾次,希望有車位俾我地入去,等到我都有點唔想等...之後阿東幫我地搵到個車位,最終都可以去游水啦.....我地一去到沙灘..嘩......多人到丫!!!!成個沙灘我諗超過500人.....好彩我地一早就換好衫,所以即刻可以落水,佢地出哂去玩,我就自己坐下曬下太陽....之舌老公就返黎同我出去玩.....有個大水泡扶住,老公就一路同我係淺水玩,,d水涼浸浸..好鬼舒服......玩到太陽落山,d水都開始凍......我地都一齊上岸.......之後就成班揸車去沙田食飯.....咁就過了一日....其實搵d戶外活動做下...唔使成日都留係屋企都唔錯......

星期六~~

朝早起身就同老爺奶奶飲茶,因為前一晚應承左所以好眼訓都要起身,飲完茶就番屋企上網兼做野,之後就小睡片刻等老公番黎同我食午餐,食完就即刻攞袋走人...返阿媽度!!返到去突然心血來潮想整芒果椰果布甸,知道自己唔食得,但都好想整下...買齊哂野番到去唔使1個鍾就整好放入雪櫃....我就唔知好唔好食..但賣相都唔錯!!!靚靚相後補!!夜晚就同老爺奶奶去有骨氣打邊爐...d野真係幾好食...唔錯唔錯!!

星期日~~

朝早11點就訓醒起身,問老公食咩早餐,佢竟然話食我煮o既pancake,因之前我試整過,味道唔錯ga!!所以佢可能都想試下有幾好...於是我整左pancake+火腿腸仔蛋做早餐...佢好快就食完...佢話好好食,我心諗都唔知係咪....但我諗如果佢覺得難入口佢係會放低唔會食...唔....我諗真係ok好食....哈...之後食完就出去同老鼠+elka睇《sex and the city》,全場都冇悶場,唔覺睇左兩個半鍾頭,4個女主角各有各的故事,最好看都是她們的服裝.....睇完之後自己就去搵番個老公,佢去整靚靚個頭...整到好似麥當好叔叔...但又幾好睇喎!!

6個月了....

不知不覺她已經在我裡面6個月,每日佢都好定時踢我..

夜晚的時間更加準時12點-1點就踢得最勁.....

天氣愈來愈熱,我就愈來愈辛苦,好想快d過埋呢3個月,快快咁見下佢似我定似佢???

而家已經重了16磅,我咁大個女都未試過超過110磅,唔知遲d會唔會肥到隻豬咁呢???

不過都唔緊要啦....生完我一定好落力咁變回我原本的......體重....

兩天端午節假期+一天公眾假期這就放完了啦,又要番工啦~~這兩天大多時間都用在睡眠中,星期六跟wan,elka佢地食buffet,跟住就去灣仔打牌,一晚竹戰後,冇輸冇羸....之後朝早先番屋企兼食埋早餐再去訓...訓到4點幾,懶懶咁起身去訂飛睇《魔幻王國》,套戲都唔差啦...但都係覺得第一集好睇好多....睇完番屋企佢有佢打機,我有我睇電視,攪到3點幾先訓,今日好早就起身,飲左盒奶...見冇咩做睇睇下電視又訓著,訓到3點又起身去食野,之後就去CWB行街,但行左一陣我地都覺得好悶...都覺冇野好行..可能大家都覺得在家舒服D...喜歡家o既生活...之後就去左十大書坊睇書...睇到夠鍾就同媽媽食飯,之後老公突然腸胃炎就同左佢去聖保祿睇醫生,人唔知係咪一病就會發小朋友脾氣,佢一路都係度扭,真係激死我...又話我呢樣又話我o個樣......我都知佢好唔舒服..算...唔同佢嘈....不過我都試過腸胃炎,又真係知道好慘o既!!!見佢成日都咁照顧我...我都應該照顧番佢,如果唔係佢成鬼日攞住我黎講.......

一場令你害怕的夢

今朝6點嚇醒左,因為發左一個好得人驚o既夢,令到我即刻就喊...個夢講我老公呃我話去打機,點知原來同個女仔出街,o個個仲要係佢個ex-gf,我即刻好嬲,覺得點解你要呃我,之後我仲問佢:你地有冇做d唔應該做o既野?佢有一訖猶疑唔知答唔答好,我仲要話,我都係問下o者,你講啦,我冇野ga...點知佢即刻答:有呀!!,我聽完即刻跌落地係度大喊,o個種感覺好真實,好似唔係發夢咁,跟住我就即刻醒左,即刻就喊,係度諗會唔會真係咁做呢??之後坐坐下我諗佢唔會o既,但我有種衝動想cut左佢個ex-gf電話號碼,但最後都冇做,之後我就一路都攬住佢訓,我冇即時拍醒佢,見佢訓到隻豬咁,我諗佢都feel唔到我有幾驚,幾擔心....訓醒佢番工前我同佢講左,佢話傻啦,我成日都係你視線範圍內,點會做到咁!我之後話你唔可以再同佢有聯絡,我仲要話你打機都要同我一齊去......或者咁做我個心會安心d,呢種害怕失去或欺騙o既感覺一點都唔喜歡,又或者而家陀住BB,心情時好時懷,以前的我一定唔會阻止佢同以前的ex-gf聯絡,但而家結左婚,我需要保護自己的婚姻,必要時我需要講我o既唔開心,因為大家都已經共同生活,唔可能好似以前咁......